My Package (1)

(Shar-e-Quaid mai Transport k Masael)

Last blog mai main ny package record krwany ki bt ki thi…. Pr ye nhe btaya tha k mera package kya tha, kis topic pe tha, mera experience kesa raha tha, kya kya sekhny ko mila…. Or bhot kuch… to socha k chalo us waqt nhe btaya to kya howa…!! Ab bta dyti hn___

Mery package ka topic “Shar-e-Qaiud mai Transport k masael” tha. Ye ek asa masla hai jis ka samna hr roz middle class or lower class se taluq rakhny wala har wo shaks krta hai jo apny choty se choty kaam k lye bhee BUS ko apny zar-e-safar k tor per istemal krta hai. Us ko Buson k aye din barhty howe kirayon (fare) ka samna to krna hi parta ha… is k sath sath in buson ki kharab halat ki waja se ho ny waly hadson ka b shekar hota ha.

Phr is pe subhan Allah kya kahen hum in bus walon ko jo apni bus mai dalwaty to hen CNG magar jb kiraye ki bt ajaey to ye CNG petrol mai tabdil ho jati ha… or kiraya petrol ka charge kia jata ha… chalen ye sitam b hmari awam bardast krny ko tiyar ha… magar sahuliyat to puri farham kren...seat by seat ly k jaen, buses ki seats, kihrki (window), or dandon ko repair krwaen…. Ta k kam se kam musafiron ko beht ny k lye behter seats to milen, bus ki kihrki k sheshey b aksar gaey hoty hen agr hm garmiyon ki bt kren to ye + point hoga k sheshey na ho ny ki wja se thndi thndi haawa aye pr sardiyon mai ye hi – point ho jata ha. Sirf musam k asar se bachny k lye hi nahi balkey musafiron ki safety k lye bhi zarori ha k khirkiyon ki maramat krwai jaey.

In sab k sath sath khwateen k behtny k hisye (portion) ko bhi bara kren. Q k aj k dour ki aurten bhee mardon k shana-ba-na kaam kr rhi hen. Unko bhee job k lye, universities k lye, college k lye jana hota ha… or hum bechari middle class or lower class ki khwateen k pas bus k ellawa or koi option bhi to nhe ha….

Or chu k mai khud ek student hun to mai ye bhi chahti hun k students ko special package dia jaey “half fare” matlb k hum students se aadha kiraya liya jaey… na sirf hum se balkey un sb lower class se taluq rkhny waley logon se jo apna ghar chalany k lye ghar se nikalti hen…. Aye din bahrny waley kirayon ko bhee roka jaey ta k hum awam pe mehngai ka maziyed bohj na parey….

                                                           Shukriya...

Abi to srf topic ka btaya ha k kya tha… Inshaa Allah next time Experience bhee share krngi k logon ka kesa response tha jb hum recording k lye gye to…

                                                                                                        

http://e.jang.com.pk/02-12-2012/karachi/mag13.asp