AURAT - MUSTAQBIL KI MAMAR

Jab hum aurat kay barey main sochty hain to hamarey zehen mai kuch tasaveer ubharti hain kay Pakistan ki quwat, nai dor ki teachers, khandan ki izat,ghar banany wali rehnuma shamil hain lekin Pakistan main sab khawateen ko is nazar se nae dekha jata.

Maine Pakistan kay kai dehat aur shehron main mehsus kia hai kay jin usulon ki Islam main wazahat ki gae hai wo izat aurton ko hasil nahi aur na hi deen e islam ki pairwi ki jati ha.

Pakistan mai asmat dari,taizab phenkne aur karokari jaisey jaraim kay waqiat islam kay nam par horahey hain aur is kay lie islam ka ghalat istimal kia jaraha ha. Khawateen k sath wehshiana saluki kia jata hai.aur jab aisi na insafian hoti hain to qanoon aur aieen ki pairwi bhi nahi ki jati.

Khawateen bahaisiat mustaqbil ki teachers jin ki taleem o tarbiyat behtreen andaz main honi chahye thi lekin is ke bajaye in kay school band kardiey jaty hain aur in ko in kay bunyadi huquq se mehroom rakha jata hai.

Mujhe khawateen say roshan tawaqaat hain kay wo apne haquq kay hasul kay lie degar khawateen main bhi shaoor ujagar karain gay.


Ab mazi ko “GOOD BYE” kehne  ka waqt agaya ha kiun kay hamain any wali naslon kay mustaqbil ko roshan banana hai kiun kay ba ikhtiar aurat hi mazboot Pakistan ki tamer kar sakti hai.