MUSIC

Mai aksar logon ko ye kehta sunti hn k “kya mousiqi ka shoque rkha howa ha ye to kafiron k shoque hein….” “Kya bhala shoque ka bhee kbhi koi deen iman hota ha...???” ya phir “gana bajana to mirasiyon ka kaam ha, q is ko sekhny k pechey wqat or paisa zaya kr rhy ho…!!!” “Q hum ny isko ek khas tabqey se munsaliq kr rkha ha…???”

Music (mousiqi) 7 suron ko jb ek khas ley mai proya jata ha to us se nikal ny wali madhur awaz mousiqi kehlati ha. Mousiqi sirf ek hunar, fun ya pesha hi nhe ha. Balkey ek bharpur ilm ha. Jo k tafreeh farham krny ka bhee ek zarya ha. Js per be-shumar researches ki gaen hen jen se ye sabit howa ha k mousiqi sehat per mabat asrat dalti ha… koi is ka dusra pehlu q nahe dkhta…???

Is ko kisi ek tabqey tak mehdud kr dyna na ya is ko haram keh dyna sirf mousiqi k sath hi nahi balkey is se jorey hazaro afrad k sath na-insafi ha jo is ko sunty hen, is ka shoq rhkty hen, ya is se istefada hasil krty hen.

Barsat ki rim jihm, quil ki koko, aab-sharon k behty pani mai bajti jal tarang, phol podon ki kehlti sarsaraht, bijli ka karakna, badlon ki garaj, dil ki dharkan…. In sb asrat se to koi inkar nahi kr skta to phir sazon se nikal ny wali awaz k itny khilaf q hen… mere nazdik to ye sirf haqiqat se farar hasil krny k siwa kuch nahi…

Moulana Alim Uddin ny kya kub baat kahei ha k “jo log mousiqi dil se sunty hein, in k lye halal ha aur jo nafs se sunty hein in k lye haram ha.”

 

Ab faisla hum pe ha k hum ksi bhee chez ka kis trha istemal krty hein. Agar sahe istemal kia to chez achi or galt istemal kia to chez galt… dar-asl chez khud sahe ya galt nahe hoti us ka istemal us ko galt ya sahe banata ha.

http://www.more4kids.com/Articles/article1009.htm

http://www.raisesmartkid.com/all-ages/1-articles/16-the-effect-of-music-on-childrens-intelligence

http://www.cerebromente.org.br/n15/mente/musica.html

http://stress.about.com/od/tensiontamers/a/music_therapy.htm

http://www.sciencedaily.com/releases/2009/04/090409104303.htm

http://www.sharecare.com/question/positive-effects-of-music-health