YOUMAI MOHABBAT…. <3 <3

Aaj dunya bhar me youmy mohabbat yani Valentine day manaya jaraha hai. Dunya bhar se log apne pyaroon ko pyar bhare peghamaat bhejte hain. Lekin jitney SMS Pakistan me bheje jate hain vo London ,America,Britain,Canada,Switzerland me nahi bheje jate. Youme Ishq ko nojawan nasal ki ashat zarorat bana dene waloon ne ye bhi nahi socha k mohabbat k naam par vo kis culture ko faroog de rahe hain. Jazba –e-mohabbat k nam par “Fitna Hawas” ujagar karne ki ye rasam ane wali nasaloon k lahoo me poori tarha saraiyat karjaegi.

Mohabbat apno se nikal kar ghairoon k aangan me ja bethi hai, ham me se kitne hain jinhoo ne kabhi bhen ko koi soot gift kia ho, Maa k liye koi qimati cheez laen ho, Baap ko nai cycle lekar di ho, ya Bhai ko nai shirt khareed k di ho?? Ye v0 ghar k afraad hain jo barsoon se hamare sath rahte area hain, Inse hamara khooni rishta bhi hai aur ye bachpan se hamare sath bhi hain.

Asal me ham sirf mohabbat chahte hain, zimedaari nahi. Ye hi waja hai zamane bhar se tak’kar lekar jo larka larki mohabbat k nam par shadi karte hain vo 1 saal baad hi ek doosre se bazaar hojate hain. Isliye me youme Ishq ko salute karti hun k jis ki badoolat mohabbat phel rahi hai aur zimeedari sukarti jarai hai.

Meri hasrat hai k kash kisi youme Ishq par mohabbat bhara koi 1 phool MINAR-E-PAKISTAN ya MAZAR-E-QUAiD k pehlo me bhi parha miljae…