Larkian or Unke Khuwab

Har insane ki khawaish hoti ha k jeevan sathi k tor per isey iski manpasand shakhsiat naseeb ho…khawateen ki tawaquat qadarey ziada hoti han…qk unhne ek ghar chor kar dusrey ghar jana hota ha…islie wo khwaish zahir karti han k unhe susral mai har khushi or sahulat maisar ho…

Yun kahiye k ye khuwaish kam or tawaqo ziada hoti ha..or is ki takmil ideal k husul ki surat mai puri hosakti ha..aam tor per larkian ek barsary rozgar,khoobsurat or mohabat karney wale shohar ki khuwaish karti han…yeh 3 sharait inhain khushal zindagi ki zamanat deti han..

Har larki ki yeh khuaish hoti ha k wo achey se achey ghar mai bihaee jae jahan ise har asaish mile,jahan mohabat ho wahan har qisam k ikhtalafat khatam hojaty han..magar ab internet,mobile or media ne mohabbat ko bhi fashion bana dia ha..jo badalta rehta ha..

Ek zamana tha jab larkian thori kami beshi pe bhi itafaqa kar leti thi..achi nokari ha or larka adat ka bhi acha ha…to bhalla zahiri khoobsurti ka lalach kia karna…khoobsurat or shareef hai to mamuli nokari per nakhra na karna chahye k dolat to aurat ki qismat se bhi ajati ha…haan sharafat or aadat per smjhota nahi kia jata tha…jahan bhi bhanak pari k larka buri sohbat ka shikar ha ya mijaz ka kharab hato larki khud hi mana kar deyti thi

Waqt badla,mijaz badly,mutalbat or tawaquat mai bhi tabdeeli ai….. cindrella ki tarha aj bhi har larki shehzady ki muntazir ha lekin is shehzady ka khaka kch tabdeel hogya ha

Aj k dor ki har larki aise jeevan sathi ki mutalashi nazar ati ha jo achi post per faiz ho ya iska bht bara or kamyab karobar ho..taleem ki shart to kisi surat khali nae jasakti..iske sath sath iska zati ghar hona zaruri ha…shehzady sahib achi shaksiat ka malik zarur ho..wo na sirf modern tarze zindagi apnea hue ho balke apni biwi pe bhi kisi qisam ki rok tok na karey

Choti moti nakari karne wale larkon ko shehzady ki khuwaish rakhne wale larkion ki list maise kharij hi samjhey…lekin ALLAH tala ne unke naseeb mai b kisi na kisi larki ka ana likha hi hota ha….