ZARA SOCHIYE!!!!!

“Oye yaar zara ye bachi check kar” … “Hello! Chashmesh, CHASHMESH!!! “ … “Shanay! Rock star dekhi hay, ant hay yaar” … “yeh bachi dekh bohot tite maal ha yar” … "wo dekh  aisa kar yeh tu rakh ley or wo wali mai rakh leta hn"... “Uncle! Mor zara speed main katna, cheekhen suni hain” … “wo break lagtay hi cheekh marainge” … “Agar tu boley to teri bhabi bana lun” … “Dekh to natti jarahi ha”                     

Kia yeh jumlay un students ki numaindgi kar rahey han jo ek achey talemi irady mai parh rahe hain?

Aj kal nojawan is tarha ki gandi zaban bolty hue nazar arahe han….. aty jaty larkion ko tang karna unpe comments pass karna unka mashgala ban gaya ha lekin wo kabhi aisa nae chahyenge ke unki ama bhno pe koi aise jumle kasy…yeh hain aj k nojawan jinpe inke maa baap khin se bhi karke inke talemi akhrajat utha rahe hain…..yeh wo nojwan hain jinko Pakistan ki tamer o taraqi ka bera uthna ha….

Kia ap soch sakty han k ye log aisa karpaenge?????

Talib ilm, jinka maqsad sirf achi percentage lena, semester pass karna ya phir degree hasil karna ha jo k kuch nae bs ek kaghaz ka tukra ha...wo kabhi koshish nae karenge logon se bat karne kay, maashrey mai zindagi guzarne k kch adab sekhne ki…..yeh apne mulk, apne institution ko kia represent karenge????

Kabhi kabhi mujhe yeh sochne pe majboor kar dety hain ke unke waldain akhir hain kahan?? Kia wo khuwab ghaflat ka shikar to nahi???wo  apne bachon ko ek achey mashrey mai chalne k tor tareeqe q nae sekhaty hain??? Q har dafa ek aurat ko hi tanqeed ka nishana banaya jata ha?mard hazrat dusri aurton ko to tanqeed ka nishana banaty hain per yeh kabhi nahi chahainge kay unki aurat ko koi tanqeed ka nishana banay….

Mujhe pata ha bohot se log yeh soch rahy honge kay yeh  words to sirf chillout karney kay lie bolay jaty hain…lekin zara ek minute kay lie sochiye agar ap kisi larki per hans rahey han ya uspe behuda comments pass karhey han to kia yeh bhi chill out karne kay lie karhey hn??? Agar is ka jawab han main hai to bari afsos ki bat ha…apko ek bar phir se nursery  class se taleem hasil karny ki zarurat ha or agar koi institute aisa  nae ha jo apko ikhlaqiat ka sabaq dey to phir HAZRAT MOHHAMAD (S.A.W.) ki sunnat pay amal karney ki zarurat ha.

Chill out ka matlab hargeez yeh nahi k ap kisi ki izat o nafs ko nuqsan phnchain usko hurt karain…afsos hota ha un logon k barey mai jan kay jinko sahi or ghalat mai farq nae pata or wo farq pata bhi nae karna chahty

Yeh meri iltija ha is mulk k tamam logon se jinhone mera yeh blog parha please sirf apne bacon k achey grades pe hi focus na karen unko mashray mai ek acha bashaoor insane  banay mai positive role ada karain take wo apni society or apni zindagi ko bhetar ban sakain….

Sirf position or gold medal lena hi zaruri nahi uske sath sath knowledge or wisdom bhi ek achi zindagi guzarney kay lie zaruri ha …. Otherwise hum sirf wo mashara tashkeel dainge jiske pas koi maqsad koi aim nae hoga zindagi basar karney kay liey…