LAWN KA MELA….

 “Amii jaldi se bazaar chalain meri dost lawn ka ek bohot hi khoobsurat suit khareed kay lai ha….is waqt market
mai bohot hi achey achey prints ae hue hain….plzzz jaldi chalain na!!!!”

Mosam e garma abhi apne ibtidai marahil mai hi ha lekin khawateen ki ek bari tadad garmion ki shopping kay hawaly se kafi sar garam nazar ati ha. Shopping list mai jo cheez sarey fehrist hoti ha is mai garmion kay kaprey khas tor per lawn ki khreedari shamil hoti ha.

Mosam e garma kay hawaley se lawn hamesha khawateen ki awaleen pasand rahi ha. Is lie garam or khushk dophairon mai mai bhi bazaron mai lawn kay mablusat khareedney wali khawateen ka rash laga rehta ha. Har dukan jaded or stylish prints se bhari hoti ha or dukan dar apni dukan dari chamkaney ki garz se haseen or dilkash rangon waley lawn kay prints sajaey bethey hotey hain jo garmion ki is chilchilati dhoop mai khawateen ki  ankh ka tara baney hoty han.

Lawn mosam e garma ki ek khas zarurat ha. Pakistan main parney wali garmi ki shidat or bijli load shedding khawateen ko is bat per majboor kardeti ha kay wo lawn kay chand jorey zarur banalain, jis main garmi ka mousam ba asani guzar jae.

Lekin aj kal dekhney mai araha ha kay khawateen lawn se ziada designer lawn mai dilchaspi lerahi hain. Ek mashoor o maruf fashion designer lawn kay jo prints design karta ha, wo is designer ki design karta lawn khelati ha. Halan kay aam lawn or designer lawn mai koi khas farq nae hota. Siwae is ke kay designer lawn ko ek mashoor designer design  karta ha or iska nam manzar e aam per ajata ha.

Dusri taraf aam lawn ko bhi design karney wala designer khelata ha magar iska nam manzar e aam per nae ata ya company ka nam is tarha sey samney nahi ata to zahir ha kay is ka asar aam lawn ki khareed o farokht per zarur parta ha.

Dusri janib ek ehm waja designer lawn ki betahasha publicity or numaish ha. Tv, radio, akhbar or magazine garz yeh kay har jaga designer lawn kay ishtiharat ki betahasha bharmar hoti ha. Yahan tak ka yap rasty se guzar rahey hoty hain to har jaga ek bil board nazar ata ha jis per khoob surat or nazuk models or actress jaded tarz ki sili hui designer lawn kay malbusat zaib tan kiey nazar ati hain. Iske elawa har roz subha morning show mai mezban subha ka agaz ek mashoor designer kay khoobsurat or qeemti kibas se karti hain. Yahan tak kay jis designer ka libas phena hua hota ha is designer ka nam or mobile number bhi screen per nashar kia jata ha ta kay agar khawateen bad mai agar chahain to designer se rabta kar sakti hain. Iske elawa har roz nae nae gifts bhi diye jaty hain. Jin mai ek designer lawn ka jora zarur shamil hota ha, jiski qeemat 2500 se 3000 kay qareeb hoti ha, jisko hasil karney kay lie log hazaron rupees kay sms or call kar dalty hain take unko yeh jora mil jae.

Aj kal khawateen na sirf designer lawn kid or mai shamil hain balkey ek dusray se sabqat lejany per tuli hui hain. Bahaisiat khatoon lawn ki khareedari apka haq banta ha. Lawn ki is dor main zaroor shamil hon magar kia hi acha hoto agar ap khudh hi designer ban jaen. Zaroori nahi ek mehnga suit hi logon ki tawaja ka marzak baney ap ek aam se suit ko bhi khud design karke behtreen jora sabit kar sakti han.