AY PUTAR HATTAN TY NAE WIKDEY…

 

Mera bachpan se aik khuwab tha k main Pakistan Army main doctor ban kar jaon.jon jon bari hoti gayi mera ye khuwab junoon ki hasiyat ikhtiyar krta chala gya or mere ghar walon ki b yehi khuwaish thi.Magar badqismati se mera ye khuwab poora na kha saka.Army se itni muhabbat ki shayad aik wjha ye bhi hai k mere baba Army officer reh chuky hain or bachpan se hi unse Army k qissey or un k experiences sunti chli aa rahi thi.Mere baba batty hain k jab 1965 ki jang lari jar hi thi to radio pr iss hawaley se both programs nashar kiye jaty thy or log itny muttasir hoty thy or un mai itna josh-o-walwala paida hojata tha k mard to mard khawateen bhi border per khane piney ki ashiya apne foji bhaiyon k liye ly kar pohunch jaty thy.Mere baba or unki umer k bohat se nojawano main bhi radio per jang k hawaley se programs,taqareer or milli naghmey waghera sun kar itna josh-o-kharosh or jazba-e-shahadat paida hua k unhone jang k foran bad 16 saal ki umer main hi Pak Army join karli.

Un ka kehna hai k Army ki zindagi bohat mushkil hoti hai bil khusoos Army ki training jis m subha sawery 5bjy jaga kar doraya jata hai or zara si ghalti pr saza di jati hai jaise DADU CHAAL jis m paon k bal baith kr or kamar pr hath rkh kar mendak ki trha uchal uchal kr muqarar karda maqam tk jana hota hai,is k ilawa SKY JUMP  jis m aik hi jgha pr khary ho kr uchalna parta hai,PUSH UP jis m lait kar hathon k bal zameen pr ooper nichy hona hota hai,Mess pr pabandi,aadhi raat ko jagha dyna thandy pani se nehlana or iss jesi bohat si sazain… Khaney k doran agar platon or chamchon ki halki sib hi awaz aa jaye to iss pr bhi saza di jati hai.

Main aksar baba se poochti hon k wo itni mushkil or rookhi pheeki zindagi main wo log enjoy kaise krty thy to wo boht se dilchasp qissey sunaty hain jaise aadhi raat ko bister pr takiye set kr k chup kr diwaren phalang kr nikal jana or film daikh kr chupky se aa kar sojana.Sab se dilchasp qissa jo wo sunaty hain unka aik junior apne ghar se chutti guzar kr wapas aaya to apne sath Punjab ki aik soghaat PINJORI ly kar aaya jo k Sooji or cheeni ko bhoon kr banai jati hai kher jab aadhi rat hoti or sab sojaty or lights off hojatin to wo andhere main apne attachi case main sir ghussa kr pinjiri khany lagta or CHAPAR CHAPAR ki awazen aatin.Jab awaz ka suraagh lagaya gy ato pata chala k unki naak taly ye sab ho raha hai kher unhone plane bnaya k isko sabaq sikhaya jaye.aik din us k aany se pehly uska attachi case khol kr pinjiri nikal uski jagah Rait bhar kr rakh di gayi or sab apne apne bistro main lait kr uska intizar karne lagy aadhi raat ko usne phr wohi kaam kiya or jese hi pinjiri moun main gayi usne thook di or baba or un k friends ny lights on kar di or phir unse kaan pakarwaye gaye k ainda koi chez aikaily nhi khani..Matlab ye k unki zindagi itni mushkil hoti hai magar wo iss rookhi pheeki zindagi ko bhi apny tariqy se enjoy krty hain Seniors or juniors farigh waqt main mil baith kr musical qisam ka program krty hain or agar bahar kahin hotel waghera main mulaqat hojaye to ye riwayat hai bill seniors ko hi adda krna parta hai.Unko disciplined zindagi guzarne ki itni aadat hojati hai k ghar aa kar bhi ye aadat tabdeel nhi hoti jese k hamare ghar main agar koi glass bhi apni jagah se 1,2 inch door rakha ho to baba ko na jany kaise pata chal jata hai or phir hamari class hoti hai L

In sab baton se hat kar Pak Army duniya ki bahadur tareen afwaaj main se aik hai.Agar jang k dinon ki baat karen to jang k dinon main sabse bara masla fojion ko khane piny ka hota hai qk her jagah pr mess ki sahulat nhi phunchai ja sakti or baaz-o-qaat unko sookhi rotiyan bhi pani main bhiggo kar khani par jatin jab k aksar to sirf pani pr bhi guzara krna parta hai or wo ye sab kis k liye kart hain? Sirf or sirf apni qaum k liye apne gharon se or apny piyaron se door hamari hifazat k liye apni jaanen hatheli pr liye phirty hain.Iski aik misaal haliya afsosnaak waqiya jo k Siachin glaishoir pr paish aaya jis main hamare 135 jawan or officers barf k todey taly dab gaye..Kya kabhi hmne apni fouj ka shukriya adda kiya??Kabhi un k liye youm-e-sog manaya?Nhi!!! qk hum to apny gharon mai mehfooz hain or such ki neend soty hain halan k daikha jaye to baqol shaksy..

Shaheed ki jo maut hai

wo qaum ki hayaat hai…

Kyun k ye foji jawan hi hain jo sarhadon per apni qaum ki hifazat karty hain or hum such chain se apny gharon main soty hain iss trha wo apni janon k nazrane paish kr k hamari zindagion ki hifazat karty hain.Wo to hmari khatir apni janen qurban kar k bhi kabhi humse khiraj nhi maangty or humse sirf or sirf duaein chahty hain..Agar hmari nojawan nasal se poocha jaye k Shah Rukh Khan kaun hai to foran uska bio data bta diya jata hai lakin agar unse poocha jaye k Rashid Minhas kaun thy to aayen baayen shaayen karne lagty hain bajaye in azeem logon ko idealize karne k hamari nojawan nasal cricketors,Gulukaaron or adakaron ko idealize karti hai jab k main samajhti hoon k hamare asli heros to yehi hain agar hum or kuch nhi kar sakty to kam az kam unko appreciate to kar sakty hain.Main Pak Army ko salam paish karti hoon..

PAKISTAN ARMY ZINDABAD!!

KUCH TAREEF HAMARAY MEDIA KI….

Hamara media bht tezi sy taraqqi kr rha hai peklay muqablay man aaj hamaray mulk man 90 say zaied tv stations or 135 privet fm chanels kaam kar rahay hayn.aaj taqreebn 17000 sahafi bad Pakistani media nay jo tarrqi ke hay is ka andaza is baat say lagaya ja sakta hay k hayn jo 40 say 80 million logon tak maalomat pochatay hayn lakin hamaray mulk man sahafiun ke baa qaida tarbiat naa honay k bais sahafat k mayar par bohat bura asar par raha hay.ab hum Pakistani tv k kuch fawaud ka jaiza laytay hayn.

Hamayar mulk man tv nay taalem ka dairaa wasee keya hay nai nai maalomat faraham karnay k ley hamara media mukhyalif taalemi program nashar karta hay jin say an phar or talibelm bharpoor faida otha rahay hayn.hukumati channels k sath sath aaj is jaded door man Pakistan man be shumar privet channels nay apni nashryaat shuro kar de hayn jin man har tarha k taleemi program maslan mazhibe sciencey quiz,medical k taleemi program shamil hayn jin say zara e ablagh ko bohat faroogh mila hay.is k ilawa hamara tv tafreeh ka bhe aik behtreen zaryaa ha.moseqe fanon e latifa,dramay,wagyra k zarye logon ko tafreeh farham ke jati hay.hamaray media ka aik or faida ey bhe hay k hamara media humay har lamhayn tazaa tareen khabreen or maloomat farham karta hay.hamara media muqtalif saqafati program paysh karta hay in programoon man taqreerayn,muzakray,mubaahesay,mushaaeray or interviews shamil hayn.is k ilawa Pakistan k muktalif ilaaqoon ke saqafat k baray man muqtalif dastawayzee program dekhaye jatay hayn.jis say sabit hota hay k hamara media saqafat ke tarweej o ashat man aham kirdar adaa kar raha hay.hamara media awaam man shaoor ke baydaari man bhe aham kirdar adaa karta hay.hamaray tv par sehat or jismani tarbiat k hawalay say muktalif program dekhay jaaty hayn jin man warzish k sath sath muktalif beemareyon k phaylnay ke wojoohaat bataye jate hayn or phir in say bachnay ke ahteyaat batai jati hayn.hamari awaam in programoon say bohat faida otha rahe hay.hamara media awaam k masail or takaaleef ko ojagar karnay or issay hukumat k aywaanoon tak pochaanay man madadgar sabit ho raha hay.hamara tv logo main yakjehti peda karnay k liye bhi bht say program dikhata hai.pakistani media nay na sirf awam ko darpaish masail hukomat tk  pohunchye bul k  sahibay ikhtiyar afrad ki curruption kojis jurratmandi say bay naqab kia hai wo waqi main qabiletareef hai….

Glass Adha Bhara Hai... (Pakistan's Assets)

Hamara mulk Pakistan bhot jad-o-jehad k bad hasil kia gya ha, is jad-o-jehad mai hamey hamarey abb-o-asjad ki jaanon k bhot se nazrany bhee pesh kreny parey hen. Kya aj hm in jaanon ka badla sahe andaz mai chukka sakey hen…!! Kya hm ny in Qurbanyon ka wo selaha dia jo hmko dyna chahey tha...!!! Kya hum apny Qauid ka wo khuwab pura kr sakey hen jo unho ny hmry liye dkha or js k natijey mai hmey is khubsurat se mulk se nawaza…!!!

Yaqenan nhe, bal k aj hm aalmi duniya mai apny mulk ki haseeyat dkhen to hr koi hmry mulk ko bura bhala kehta nazar ata ha… hm aalmi duniya ko choren apny hi mulk k logon ko dkhen to wo b apny is pyarey se mulk ko bura bhala kehty nazar aty hen, jb k hmara mulk bura nhe hmary mulk k log burey hen. Agr hm kuhd hi apny mulk ko bura bhala kahen gye to phr hm dusron se kesy umeed kr skty hen k wo hmary mulk ko acha kahen gy…!!! Glass adha bhara ha ya adhar khali…!!!  Duniya wohi dkhey gi jo hm dkhana chahen gye. Agr hm glass adha bhara howa dkhaen to duniya bharey howe glass ko dkhey gi, khali ko nhe…

Ab koi ye kahey k hmry is watan mai acha rkha hi kya ha load shedding, mehngai, barhty howe jaraim, aurton pe tashadud, bomb blast, corruption, be-rozgari… e.t.c hr burai to ha hmry is mulk mai....K  To asey logon ko mai ye btana chahti hn k ye sari buraiyan hmari khud ki peda kr dah hen hm chahen to hm khud in ka haal nikal skty hen.

Hamarey pas duniya ka beswa ⁽20^th) bara coal reserve <Thar coal> ha agr hm chahen to is ki madad se hm agley 100 saal ki bijli peda kr skty hen… Pakistan 58^th petroleum producer ha. 2^nd largest salt mine in the world “khewra mines”, 7^th largest standing army force in the world, 7^th nuclear power <thanks to Dr. Abdul Qadeer Khan>, 2^nd highest mountain of the world, Asia’s highest railway station, Nanga Parbat 9^th highest peak of the world, world’s highest polo ground, World’s highest Paved International Road <karakoram highway>, world’s deepest sea port <Gwader>, Land of oldest civilization <Indus valley, mohen-jo-daro>. Is k ellawa tael <oil>, gas, iron, copper, limestone, gold k bht se zaqair hen. Hmara mulk zaraiy (agricultural) moumalik mai se ek ha.

6^th largest nation, 9^th largest English speaking country, 7^th largest pool or scientist and engineer, World’s Youngest Microsoft Professional Certified <Aarfa Karim>, Oscar Winner <Sharmeen Obaid Chinoy>, <Malala yosufzai>  Nominee  for International Children’s Peace Prize, World Record for Largest Painting, World Record for Most People singing National Anthem, is k ellawa be-shumar world record holders Pakistan se taluq rkhty hen jin k barey mai jitna baton wo kam ha. (kindly see the video tab for more information)

Hmarey pas bht se qudrati zakhaer hen, bht se hunarmand log mojud hen, jn ka hm sahe se istemal kren to hmara mulk kahan se kahan phoch sakta ha. Sochny ki bt ye ha k bina ksi system k jb hmry log is trha se kam kr skty hen to system k baney k bd hm kahan tk ja skty hen…!!!

http://www.thepaktv.com/forums/showthread.php?4513-Pakistan-s-World-Records

Aakhir kia karain hum????????

Aaj hamaray mulk ki nojawan nasal ko bayshumar masail ka samna hai jis ki waja sy un k liay mustaqbil pr bht bura asar prta hai in masaiail bayrozgari,rishwat,sifarish,mehangi taleem or hamaray mulk main pheli hui nainsafi hai.aaj taqreebun hr banda pareshan nazar aata hai ma nay kud kitay logo ko dekha ha jo k aala taleem honay k bawajood nokri k liay   ki thokarain kha rahay  hotay hain koi shaks taleem pr apnay 15 ya16 baras kurch karay or sath main aik bhari raqam bhi or phr bhi osay  yahan dhang ki nokri nahi milti aakhir hamara kia mustaqbil hai?????ye sawal hai un tamam Pakistani nojawano ka  jin k maa bap sakht mehnat or mushkilat ka samna kr k apnay bachun ko doctorate or engineering ki aala degree dilwatay hain ta k unki aankhon main sajaay kwab poray hosakain  unki ummedain rangla sakain mgr nateja siwaye mayosi k kuch nahi mlta qk idhhr hamay mulk main unko 10 ya 15 hazar ki nokri mlti hai wo bhi bari mushkil sy aksar to aisa hota hai k apni field ki nokri hi nhi mlti .hamaray mulk main taweel arsay sy rishwat or sifarish ki bunayad pr mulazmatain di jati hain jis ki waja sy aala taleemyafta or qabil nojawan shaded mushkilat ka shikar hainis k ilawa hr saal aala taleem hasil kr k farig honay walay sarefehrist dus pundra fesad aali  dimag bayronay mulk chalay jatay hain q k in nojawano k mutabiq taweel arsay say Amrica  ,Canada or Australia hamaray engineers,doctors,aala mayar k technicians,nursing staff,charted accountants wagera k liay purkashish  paishkushain kr rahay hain jis ki wja sy hamaray behtareen dimag musalsal wahan ja rahay hain q k in main say zada tr ko yahan na sirf mustaqbil tabnak nazar nahi aata bul k jan-o- maal ki hifazat bhi aik masla bani rhti hai.aaj mehangayi itni barh gayi hai k private taleemi idaro main dilana hur aik k bus ki bat nahi or sarkari schools main bachoon ka mustaqbil sanwara nahi bul kbarbad kia jar aha hai-qabil or ahal afrad dur ba dur ki thokarain khatay phirtay hain or naahal log rishwat or sifarish ki bina pr aala ohdun pur faiz ho jatay hain.aaj hamaray mulk main nojawano k liye masail hi masail hain hur nojawan k behtar mustaqbil k liye taleem bht aham hai lekin hamara taleemi mayar roz baroz zawal ka shikar ho raha hai.roz roz hartaloon or hangamo ki waja sy talba ko bht mushkil paish aati hai or rahi sahi kasar loadshading pori kr deti hai imtihano k dino main agr lite chali jaye to bht mushkil hoti hai is k ilawa talba k liye munasib transport ka intizam bhi ni hai . talba ko school collage or university buses main latak latak k jana prta hai.

IMPOARTANCE OF SleePiNG:-)

Khate hai ke ishq mein neend ur jaati hai,
kehte hai ke ishq mein neend ur jaati hai,
koi humse bhi ishq kare,
kambakht neend bohot aati hai...

 Aaj kal ki bhaagti doorti zindagi ka sab say ehem masla nend ka na ana hai har shakhs apni nend mukammal na hony ki waja say paryshan rehta hai jiski ek waja mobile bhee ban chukka hai ladki ladkay raat raat bahar night packages ka faida uthati hai or din mai soty hain or  jisay inki seehat par bhee  bura asar parhta hai aksar loog es baat ko mamooli andaaz mai laity hain or yahe sa inki zindagi mai kharabian hona shuru hojati hai dunya kay har psychologist ka kahna hai kay atleast 8 hours ki neend har insaan kay lie buhut zaroori hai esay kam neend lainy walay insaan kundzehan,sust or chirchiray hojaty hain or achi or puri neend behtreen  zeehni or jismaani seehat ki nishani hai  lakin aj kal deekha jarahai hai kay zada tar gharu mai late soya jata hai khana bhe buhut dair sa khaya jata hai jo buhut galat hai or seehat kay lie bhe buhut nuksaan da hai . 

Aj kal kay bachay snacks, cold drink ,jesi cheezai zada khana pasand karty hai or esi waja sa aj kal kay bachu mai motapai ki shikayat aam hain kaha jata hai kay jo loog zada dair tak jagty hai wo motapai ka jaldi shikaar hoty hai kune kay jab khanay or soonay ka darmiyan kam space hoga tu insaan ka metabolic system kaharab hojata hai  insaan sust hojata hai or eski waja sa weight barh jata hai neend ki kami ki kami say human immune system bhee kaharab hota hai jo humai different health diseases sa fight karnay mai help karta hai. Insaan ka jism nhe ek machine ki tarhan hai esay bhe kam kay baad aram ki zarurat hoti hai insaan ka zehan bhee us waqt kam karta hai jab bharpoor nend lai. 

Or eskay lie zaroori hai waqt pa soya jaie. Humari society mai khas toor pa Karachi mai dair sa soonay ko fashion banalia gaya hai  buhut hi kam ghar esay hongy jo time pa sojat hai or subha jaldi uthtai hai aj sa ap nhe apni life change karaie raatu ko jaldi soiee subha jaldi uthiae or pabandie wagt kay saath namaz parhie…… SHUKRIA

PAKISTANI COMMERCIALS

 

Meri bhanji buhut shok sa ad (commercials) dkhti hai kalin humai bhe us bachi kay saath bethna parhta hai because mujhy aj kal Pakistani commercial sa kafi hud tak objection hai kune kay aj kal ka media buhut hi open hogaya hai. Freedom buhut achi bat hai par ab humaray media mai kuch adds kay content buhut bury hoty jaraha hai jo aap ya hum bachu kay samny nhi dekh sakty like ALWAYS ad , Green Star social marketing nay kuch din pehly ek video song lounch ki thi apny product kay lie “touch condom” mai samjhti hu ka es tarhan kay bold ads ko aired nhi karna chahe Pakistan mai kune ka es tarahan kay ads humary bachu or humary culture par bura asar dal rahai hain or mai es baath sa bhe agree karungi ka es taraha kay ads humari youth ko bhee galat rasta dekhany mai madad da rahai hai spoil karahai hai.

 

Mai ALWAYS ki company ko abhi tak samjh nhi pai hu jes tarha kay wo ads daity hain kia esay ads womens ko educate karnay kay lie banaie ja rahai hai ya ladku or bachu ko mai shame feel karti hu apny Religious Minister ko kay woe s tahan kay ads ko allow karty hain Pakistan mai. Humara mulq ek ISLAMIC country hai or hum ya copy karahai hai INDIA or WEST say. Secondly mai un ladkiun ko dad dungi jo in adds mai kam karti hai himmat hai unki( unkay parents or unkay husbands) allow kardaity hain buhut sharam ki baat hai kune hum sab bhool chuky hai kay hum MUSLIMS hain hum kune nhi copy karty IRAN ko jis taraha wo apny ads banaty hain mai ALWAYS walu sa kay jab ap ka product market main mhi aya that tu kia women pad use nhi karti thi aj kal kay bachu ko bhee pata hai ALWAYS pads kia hain kune use kie jaty hain awareness tu logo mai arahai hi par hum apni limits crossbhe kar chukai hai jo media waly kabhi  except nhi karty Or bhe kuch ads hai lawn kay ads jis mai buht besharmi

ka element hai slevesless without dupata kia ya hai humara culture dupata tu dupata kapray bhe puray nhi hai  no doubt buhut achy ads bhe ban rahai hai par mai request karna chahungi apny MINISTER  OF ISALMIC AFFAIRS OR CHIEF MINISTER sa plz es tarah kay ads ko onair na karai aj kal sab educated hain everybody knows kal kahe esa na hu kay BRA ka use bhe bataya jaie… 

INTERNET FAIDAYMAND YA NUSANDEH…

                   Internet nay zar e iblag ke dunya man iak ingilab barpa kar diya hay dunya man logon k darmyan faslay mita dyia han .internet muqtalif nizamon say marbot karnay wala aik mawaslate nizam he nahe balk is k zarye apny afkar o khyalat ke nashro ashat aalmi pemany parke ja sakti hay.

Pakistan man internet sarfeen ke tadaat 2 karor say zaid hay.internet aaj k dork e sub say aham ijaad hay.jis nay dunya man inqalab barpa kar diya hay or dunya k muqtalif hisson man rehnay waloon k darmian faslay bohat kum kar diya hy or is nay kum waqat man bohat he zayada maqboliat hasil kar le hay.lakin bohat say logon ke nazar man ey aik burai ke jar hay jo dunya man buray kamon ko farogh day rahe hay.bohat se asi chezayn hay jin ka istemal in ko bura bana dayta hay jisay koora kagaz ba zaat e khud kuch nahe hota wo to is par likhi gaye tehreer is ke pechan banti hay.

Internet aik aaysi ejaat hay jis man musbat or manfi dono pehlu pay jatay hayn.bagor daykha jay to internet  mufeed ejaad hay is ke badoolat taalemey,tijaarti or muasharte maydaan man aik inqlab aa gaya hay.

Internet nay insane zindagi man bohat be aasanyan payda kar de hayn koie bhe shubaa ho insane kisi bhe ilaaqay man rehaish pazeer ho usay apnayshobay ya mashaghil k baray man maloomaat hasil ho sakti hayn.internet ke madad say dunya ke bari bari marketoon say barah e raast kharedari ho sakti hay.

Intenet aik million sya zayada k networks ka aik globel web hay jis man 50 million say zayada computers kaam kar rahay hayn or pori dunya sa taqreeban 200 million log shamil hayn or is taadad man rroz ba rooz izafa ho raha hay ey information exchange ka tayz or iham tareen zarya hay.internet k zarye aaj kal bohat say aysy kaam keiy jaa rahy hayn jin ka pehlay tasawar bhe nahe keya ja sakta tha.

Jis tarha say dunya man mawaslati nizam e taaleem ko uroj hasil hoya tha or bay shumar log is say mustafeed hoye thay bilkul isi tarha aaj kal dunya ke bohat se universiteyan bhe online taleem day rahi hayn.jis ke badolat ilam k parwanay apni payas bhuja rahay hay.or internet par bohat se websites aysi bhe hayn jin ke badoolat har koie apni mun pasand nokri hasil kar sakta hay baat sirf in websites par ja kar online applay karna hota hay.Mojuoda dor science ka dor hay in ke taraqi ka sara daromadar sciency  taleem he ke badoolat hay.internet sciecncy taleem ka bohat bara zarya hay.

Internet adbee zooq ke taskeen ka bhe bara zarya hay is par bay shumar elmi or adbee maqalajat or kitabayn dasteyaab hoti hayn.

Internet par muqtalif saqafati program bhe paysh keya jatay hay in saqafati programon man taqrerayn,muzakray,mubahesay,zehni aazmaish k program interviews or musharay shamil hay is k ilawa Pakistan k muktalif ilaaqoon ke saqafat k baaray man dastawayzee program bhe nashar keyia jatay hayn goyaa saqafat ke tarweej o ishaat man internet nihayat iham kirdar adaa kar raha hay.

                                 Internet k hamaray muashray par jo asraat ho rahay hayn or ho saktay hay wo bunyadi toor par teen qisim k hayn.awal kuch tabdelyan hay jo rooz marrah zindagi man ronuma ho rahi hayn.in ke koie mazhabi,iqlaaqe or tahzeebe ahmiat nahe hay.taham inhayn is aytebaar say musbat qaqar deya ja sakta hay k hey zindagi ko tayz o asaan bana rahe hayn.doam wo masbat imkanat hayn jo internet man posheeda hayn jin k zarye allah tala nay humayn aik muqa diya hay k hum elm o technology man apni kamar ko bobat jalad dor kar k kamyabe or taraqi ke rahyn apni qoum k leay khol saktay  hayn.teesray wo manfi rujhaanaat hayn jin k tareek saaye hamaray muashray ko apni lapayt man lay rahay hayn.zayl man hum in tamam asraat ka aik tafseeli jauza paysh kar rahay hayn ta k loog is muaamlay man baa shaoor hon or apni tarjehaat ko shaoori toor par mutmain karayn.

Internet dor e jaded man bay hayaie k faroogh ka sub say asan or masar zarya ban chukka hay ey baat internet k aghaz k waqat he bari sarahat k sath  numaya ho kar samnay aa gaye the.internet k zarye sex k farogh ke bari wajha ey hay k is man privicey or saholat ka ansar bohat zayda hay.chunachay koie bhe shaks kisi k ilam man laye bagayr har tarha k mawad tak ba asani rasai hasil kar sakta hay.khuda khofi say khali muashroon man jahayn aysi chezoon say log sirf muasharti dabao ke bina par door rehtay hayn,jub aysi sahoolat mayasayr aa jay to kun ho ga jo is mehfooz zarya say mustfeed na ho.is ka nateeja ey nikal raha hay k naye nasal iqlake tor par dewaleya ho rahe hay.

Maghrabi muashray ke kuch rawaat hayn kuch aqdaar or toor tareeqay hayn kuch maaroof o munkar hayn jo yaqeenan hum say mukhtalif hayn.internet k zarye ey aqdaar o rawaayaat hamaray muashray man srayait kar rahe hayn misaal k tor par velentain day,leloen day,mothers or fathers day waghyra jo kuch khaas ayaam he nahe bal k apnay peechay aik pora tahzeebe or muashrati pasmanzar leay hoye hay ab hamaray han baa ehtamam manaye jatay hayn jin k sath aahista aahista in ka pasemanzar bhe apni jaga banata ja raha hay.larkay or larkeyon ke dosti or is k yoom e tajdeed ya ne velentainday ka hamari tehzeeb say koie taaluq nahe.

Ise tarha internet tashudut or jaraim k farogh ka zarya ban raha hay maghrib man in ko cyber crime khetay hayn .hamaray haan cuber crime ke waba both tayzi say farogh pa rahi hay.in k ilawa baaz degar manfi aadat maslan joye waghyra ka bhe ey aik bohat muasr zarya ban gaya hay.

  

                         

daishat gardi

Daishat gardi aj puri duniya ka masla bana huawa hai. daishat gardi ki eham wajahot to yeh hain barti hui abadi, mehangai, intiha pasandi, jahalat, mashray may nainsafi, taleemi ki kami ki waja say bhe daishat gardi may izzaf horaha hai q k jo log taleem hasil nhe kar saktay wo logo ko maar kar daishat gardi pehlatay hain..

Humaray government is mamlay may nakam nazar arahe hai. yehe waja hai k har shobay may kum taleem yafta afrad hukumran ban kar baithtay hain aur taleem yafta afrad unki gulami kar rahay hain.. log taleem hasil karne say ziada lot maar karna asan samjhtay hain. unko is baat ka ehsas nahe horaha k humne ALLAH k pass k agey jawab daina hai. kisi k baap, bhai ko maar kr masom bacho k sir ka saya cheen laitay hain. akhair kab tak lasho pay lashay nazar ati rahay gai..!!! kab tak hum apny kandhon per istrha lashon pe lashen utha ty rahen gye...!!! ALLAH unlogo k dil may is baat ka ehsas paida karai...

Humaray waliden k dilo may khof baith gaya hai agr hum kaheen akailay chalay bhe jain to phone pai phone kartay rehtay hain aur jab tk ghr na ajain wo paraishan he rehtay hain. humaray apne dil mai dar sa beht gaya hai k hum khair say ghr pohanch jain gye ya nahi. aj duniya may ehsas naam ki cheez nahe reh gai..      

Pakistani weddings

                                    

Pakistani weddings ki tu baat hi niraali hai… ghar walu samait rishtydaar,doost yaar baraber tayariun mai masroof rahty hai. Shadi ek esa haseen rishta hai jiskay gird khandan kay deegar rishty ghoomty hain. Shadi jesy nazuk rishty ko har koi khubsurat or yaadgar banana chahta hai. Doosray mumalik kay loog apni rasumaat or toor tareeku kay mutabik shadi ki taqreeb ka ehtimaam karty hain. Shadi do logo ki zindagi ka buhut ahem tareen hissa hoti hai. Pakistani weddings mai sab sa important nikah, rukhsati or valima hota ha. Lakin shadi kay moqay par har khandan apny apny rivaaj kay mutabik rasamumat karty hai waqt kay saath saath rasamumat kay andaaz badalty rahty hai magar inki ahmiat apni jaga pa hai. Pakistani rasumaat mai khoob halla gulla hota hai buhut si alag alag rasamai hoti hain jin ma sai kuch ya hai jutta chupaai,doodh pilai, ungli pakrai, dhoolki,kheer chaatai etc.. amoomun loog mehndiu kay functions bhe organized karwaty jis mai ladky ladkian khoob naach gana karty hai doonu mukhlif partian ganu or dance kay muqabaly karti hai humarian ki dulhan amooman 5 din ki mayun beethi hain…humnay ab buhut si rasmai hindu ki adopt karli hai jo rasmai humarian nhi hoti thi shadi kii rasamumaat say ab shadiun kay ikhrajaat he barh gai hai jo ek tarhan sa fazool kharchi bhe hai pehly mangni kay baad shadi nikah rukhsati or phr valima tak mahdood thi lakin ab shadian buhut dhoom dham si ki jati hai ek ek hafty pehly say dhoolkian, or hangamy hoty hai logo ki chehel phel rahti hai .Shadi ki rasam o rivaaj ki ahmiyat or saachai apni jaga magar es mai koi shak nhi kay insay shadi kay lamhaat yaadgaar banjaty hain beeshak jorray asmaan par banty hai par rasmai zameen par ada ki jati hain…….

  

HUM ZINDA QUOM HAIN.

                                  Hum zinda quom hain

                                  Painda quom hain

                                  Hum subki hai pehchan

                                  Hum sb ka PakistaN….

Ye  ek patriotic song hai jis mei Pakistan ki Azmat ko bayan kiya gaya hai lekin kya iski ek b lyn us Pakistan k lye lkhi hoi lgti hai jis Pakistan mei aj hum rh rahe hain???

Pakisatn k wajood mei ane k lye najane kitne musalman qurban hoe kitnee logon ne apni

Puri families ko kho dia,kitne h khandan ujar gae… Agar Pkaistan ki ehmiyat janni hai to un logon se janiye jo azadi k wqt mojood the kia kia tkleefen or kitni pareshaniyan jhelni pari hain unhe…

Us wqt musalmanon ne Pakistan bnane k lye jadojehad ki, or apni zindagiyan kurbann ki… Lekin aj 64 saal baad hm logon ko zindagiyon ki qdr hi nai roz pta nai ktne log mar jate,kch target killing mei to kch ksi hadsae mei,koi khudkhushi krleta hai to koi ghurbt se pareshan akar apne bachon ko zehar de deta hai or hum agar isi khabar ko kbi news mei sun lete hain ya akhbar mei dkhte hain to thori dair ka afsoos hume hota hai us k bad apni zindagi mei kho jate hain or hum zinda quom hain jb k ksi ki zindagi k fikr hi nai hume.

   Hum sbki pehcahn or hum sbka Pakistan….

Lkn ye to hum ne khd aj tk decyd nai kiya k Pakistan punjabiyon ka sindhiyon ka pathanon ka balochiyon ka ya phr mahajiron ka…???

Hamare mulk pr hukumt  PPP ki hogi ya Muslim league ki. kn sahe hai MQM ya Tehreek E Insaaf….

Or jamatiyon ki masjid mei namaz nai phrhni chaiye. Ye log Ehl e Hadees hain hum inki Masjid mei q jaen….

Ufffff itni firqewariyat itni casts or hum khte hain k hum sbki pehchan hain Pakistan hum sbka hai…

Sach to yeh hai k hum kbi sache Pakistani nahi bn pae.

Pakistani Shadian

Shadi biyah ki taqreeb ko yadgar banaey kay lie har khandan mai hazaron jatan kiye jaty han. Har khandan main yeh bat zarur ki jati ha kay taqreebat aisi honk ay logon ko arse tak yad rahain. Kai khandano mai to muhazib log bhi aise aise fashion apna kar shadi mai shirkat karty hain kay dekhney wala pareshan  hojata ha.

Shadi biyah  kay moqeey per kai aisi cheezain zarur hoti han jin per hamarey kam azkam  50% logon ko aitraz hota ha lekin wo becharey kuch nahi khpaty . wo napasand cheezain kia hain zara ap bhi mulakhta farmaiye…..

Modernism kay dor ne hamarey ikhlaqi iqdar ko tehas nehas kar ke rakh dia ha. Aj kisi mehndi  ya mayon ki taqreeb larkay larkion kay dance kay baghair pheeki mehsoos hoti ha. Tamashai baney chacha ya phupo apni betion kay “SHEELA KI JAWANI” par therakty jism per jab tak talian baja kar dad na dain tab tak mehndi ka rang pheeka rehta ha. Log samjhty hain kay betion kay dance aur andaz ko jab tak sarahana jaey tab tak mehndi ki taqreeb apna rang nahi jamati.

Dulha ya dulhan ki bhari bharkam mumanian, chahiyan, phuphian ya khalain jab tak “KAJRAREY” per akar jhoom na lain tab tak tamashai gum sum baney bethey rehty hain. Jab yeh qareebi rishty dar apne do do man wazani jism kay sath dance karne kay lie samney ati hain to inke bachey or shohar danton taley ungli  dabaye intizar main rehty hain kay kab inko chakar aya aur kab yeh nazreen kay upper ja geerain gi. Aur kch nab hi ho do chaar nojawan larkion ko zakhmi zarur karainge lekin moti moti rishtydar khawateen in hazrat say laparwah apni moj masti main magan rehti hain.

Aj ki nojawan nasal 80 ki dahai kay fashion kay sath jab 80 ki dahai kay maqbool gano per thirakney kay lie maidan main ati hain to nai larkey larkian to daad dety hi hain jabke is door ki auntian naak charhaney main masroof nazar ati hain. Dulha ya dulhan ki mehni ya mayon ki taqreeb hoto mujhe aj tak yeh bat samjh nahi ai kay achey bhaley muhazib aur alla ohdon per faiz afsaran ko najaney kia hojata hain kay wo khawateen aur nai nasal kay haton bewaquf ban jaty han aur kiun peelay ya kisi shokh rang kay dopattay apne galey main jhulaty dekhai detey hain. Akhir mardon kay galey mai rang birangey dupattay dalne ka kia maqsad ha???? Yeh sawal isi tarha sawalia nishan baney wahin ka wahin mojud ha. Is mai zara bhi farq nazar nahi aya. Akhir yeh aik raat baghair galey main peela ya neela dopata lie guzari nahi jasakti??? Lekin main apko purey wasooq kay sath yeh kehna chahrae hoon kay yaqeen karain ap muhazib log in dupatton main na hi khoobsurat lagty hain or na hi muhazib. Islie ainda shadion main ghalti dohraney ki koshish na karain.

Kisi bhi shadi ki taqreeb main movie banaye wala pur israr tareeqey se har us manzar ko camera ki ankh mai mehfooz karney mai masroof rehta ha jo kisi bhi shakhsiyat per ya dusroon per mazaiya tasurat qaim karey. Maslan agar apne koi ghaarara phen rakha hai aur ghrara ya dopatta zameen ki khak saaf karta ae to movie wala dulhan ya dulha ko chor kar jhat se apki movie banaey mai lag jata ha. Ya phir khaney ki har barh k doran agar salan apki gardan ya thori per lag jae to majal ha movie wala is manzar ko camera ki ankh se ojhal honey dey.

Dekhawey kay ansoon bahana ek fashion hi ban gaya hai. Yaqeen karain kay nikah  ya rukhsati kay waqt dulhan ki door parey ki rishtydar ya saheli ki ankhon mai ansoon zaroor ajaty hain. Bohot sochne par bas yehi waja samne ai kay wo ansoon dulhan kay lie nahi balkey apne door ko yad karke bhae jaty hai…

Hum logon ka almia to bas yehi hai kay hum ek dusre ko mutasir karne mai masroof rehty han….

Mehmen Nawazi

Mehmen nawizi kehne ko to har koi karta hai laikn mehmen k janai k bad unki buraiyan kar rahain hotai hain.mehmen ALLAH ki rehmat hai jab ALLAH apne banday say khush hota hai to ghr may mehmen bhejta hai aur hum uski he qadar nahe kartai.

Aj kal ki generation to mehmen k atay he gussay aur mood off hojata hai aur boltay hain k ufff yeh phr agay..jaisay mehmen taxes mangne aya hai..aj kal ki larkiyan ko kaam ki adat nahe hoti hai aur jab mehmen atay hain to kaam karna ki wajah say mood off hojatay hain..

Sara kasor mehzaban ka he nahe hota mehmen bhe to kise k ghr ja k us ghr ko apna ghr samjh laitay hainmehzaban ko itna paraishan kartsy hain k next time bulane say pehlay 10 bar sochain..log kise ki mayat pay afsos karne atay hain afsos say ziada to biryani ka intizar hota hai.kise ki taziyat karne jatay hain to taziyat say ziada lagta hai k pait poja karne aien hain.mehmen wabale jaan banjatay hain..